វិទ្យាស្ថានជាតិពហុបច្ចេកទេសកម្ពុជា (NPIC) និងក្រុមហ៊ុន Minebea (Cambodia) Co., Ltd. បានចុះ អនុស្សរណៈនៃការយោគយល់គ្នា (MoU) ស្តីពី កិច្ចសហប្រតិបត្តិការរវាងឧស្សាហកម្ម និងស្ថាប័នអប់រំ (Industry-Academia Collaborative Program)

ព័ត៌មាន

សូមស្វាគមន៍ ឯកឧត្តមបណ្ឌិត គួច សុមាន រដ្ឋលេខាធិការ នៃក្រសួងការងារ និងបណ្ដុះបណ្ដាលវិជ្ជាជីវៈ និងប្រតិភូអមដំណើរ អញ្ជើញមកបំពេញទស្សនកិច្ច និងស្វែងយល់ពីស្ថានភាពជាក់ស្តែង សកម្មភាពការងារ និងការបណ្ដុះបណ្ដាលនៅវិទ្យាស្ថានជាតិពហុបច្ចេកទេសកម្ពុជា (NPIC) នាថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦។

ពិធីចុះអនុស្សរណៈនៃការយោគយល់គ្នា រវាងវិទ្យាស្ថានជាតិពហុបច្ចេកទេសកម្ពុជា (NPIC) និងក្រុមហ៊ុន WESTEC ស្ដីពីកិច្ចសហប្រតិបត្តិការលើវិស័យអប់រំ បណ្ដុះបណ្ដាល និងអភិវឌ្ឍជំនាញបច្ចេកទេស

ព័ត៌មាន

ពិធីចុះអនុស្សរណៈនៃការយោគយល់គ្នា រវាងវិទ្យាស្ថានជាតិពហុបច្ចេកទេសកម្ពុជា (NPIC) និងក្រុមហ៊ុន WESTEC ស្ដីពីកិច្ចសហប្រតិបត្តិការលើវិស័យអប់រំ បណ្ដុះបណ្ដាល និងអភិវឌ្ឍជំនាញបច្ចេកទេស 🤝 ការចុះអនុស្សរណៈនៃការយោគយល់គ្នានេះ គឺជាការពង្រឹងកិច្ចសហប្រតិបត្តិការរវាងវិទ្យាស្ថាន និងវិស័យឯកជន ក្នុងការរួមចំណែកលើកកម្ពស់គុណភាពអប់រំ និងបណ្ដុះបណ្ដាលវិជ្ជាជីវៈ ព្រមទាំងអភិវឌ្ឍជំនាញបច្ចេកទេសឱ្យកាន់តែឆ្លើយតបទៅនឹងតម្រូវការទីផ្សារការងារ។ 📅 ថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦

ពិធីចុះអនុស្សរណៈនៃការយោគយល់គ្នា (MoU) រវាងក្រុមហ៊ុន ISI Steel Co., Ltd និងវិទ្យាស្ថានជាតិពហុបច្ចេកទេសកម្ពុជា (NPIC)

ព័ត៌មាន

នាព្រឹកថ្ងៃពុធ ១៥ កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ លោក សេង សុខហេង នាយករង តំណាងឯកឧត្តម តាន់ កុសល នាយកវិទ្យាស្ថានជាតិពហុបច្ចេកទេសកម្ពុជា (NPIC) បានដឹកនាំមន្ត្រី និងសាស្ត្រាចារ្យ ចូលរួមក្នុងពិធីចុះអនុស្សរណៈនៃការយោគយល់គ្នា (Memorandum of Understanding: MoU) រវាងក្រុមហ៊ុន ISI Steel Co., Ltd និងវិទ្យាស្ថានជាតិពហុបច្ចេកទេសកម្ពុជា (NPIC) ព្រមទាំងគ្រឹះស្ថានអប់រំចំនួន ៥ ផ្សេងទៀត។ ក្នុងឱកាសនោះ លោក កាំង ឡេង ប្រធានក្រុមប្រឹក្សាភិបាល ISI Group និងជាអគ្គនាយកក្រុមហ៊ុន ISI Steel Co., Ltd បានធ្វើបទបង្ហាញអំពីប្រវត្តិ ការអភិវឌ្ឍ និងសកម្មភាពអាជីវកម្មរបស់ក្រុមហ៊ុន ព្រមទាំងបានចាក់បញ្ចាំងវីដេអូបង្ហាញពីបទពិសោធន៍ និងចំណាប់អារម្មណ៍របស់បុគ្គលិក ដែលជាអតីតនិស្សិតមកពីគ្រឹះស្ថានអប់រំជាដៃគូ…

ពិធីចុះអនុស្សរណៈនៃការយោគយល់គ្នា រវាង វិទ្យាស្ថានជាតិពហុបច្ចេកទេសកម្ពុជា និង ក្រុមហ៊ុន ដៃគូ អិមអ៊ីភី សឹលូសិន ឯ.ក ស្ដីពី កិច្ចសហប្រតិបត្តិការលើការអប់រំបណ្ដុះបណ្ដាល និងអភិវឌ្ឍជំនាញបច្ចេកទេស

ព័ត៌មាន

នាព្រឹក ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ ឯកឧត្តម តាន់ កុសល នាយកវិទ្យាស្ថានជាតិពហុបច្ចេកទេសកម្ពុជា បានទទួលជួបពិភាក្សាជាមួយលោកស្រី Pham Nha Uyen ប្រធានគ្រប់គ្រងទូទៅនៃក្រុមហ៊ុន Puratos Grand Place Indochina អំពីកិច្ចសហប្រតិបត្តិការលើការបណ្តុះបណ្តាលផលិតនំជូនសិស្ស និស្សិតនៅក្នុងវិទ្យាស្ថាន។ ឯកឧត្តមនាយក បានធ្វើបទបង្ហាញអំពីសក្តានុពល និងរចនាសម្ព័ន្ធរបស់វិទ្យាស្ថាន ព្រមទាំងបង្ហាញនូវឆន្ទៈសហការជាមួយក្រុមហ៊ុនលើការផ្លាស់ប្តូរបទពិសោធន៍ និងការដំណើរការគម្រោងលើការបណ្តុះបណ្តាលរួមគ្នា នៅក្នុងផ្នែកផលិតនំ ដើម្បីផ្តល់នូវចំណេះដឹង ជំនាញ និងឱកាសការងារជូនដល់ប្អូនៗសិស្ស និស្សិតដែលចាប់អារម្មណ៍លើការផលិតនំ។ លោកស្រី Pham Nha Uyen ក៏បានបង្ហាញអំពីការគាំទ្រលើការបណ្តុះបណ្តាលជូនសិស្ស និស្សិតផ្នែកផលិតនំ ដោយចាប់ផ្តើមពិភាក្សាលើកម្មវិធីសិក្សា និងដំណើរការបណ្តុះបណ្តាលរួមគ្នាជាមួយវិទ្យាស្ថាន បន្ទាប់ពីចុះអនុស្សរណៈនៃការយោគល់គ្នានេះ។

ពិធីចុះអនុស្សរណៈនៃការយោគយល់គ្នា រវាង វិទ្យាស្ថានជាតិពហុបច្ចេកទេសកម្ពុជា និង ក្រុមហ៊ុន ដៃគូ អិមអ៊ីភី សឹលូសិន ឯ.ក ស្ដីពី កិច្ចសហប្រតិបត្តិការលើការអប់រំបណ្ដុះបណ្ដាល និងអភិវឌ្ឍជំនាញបច្ចេកទេស

ព័ត៌មាន

ថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ពិធីចុះអនុស្សរណៈនៃការយោគយល់គ្នា រវាង វិទ្យាស្ថានជាតិពហុបច្ចេកទេសកម្ពុជា និង ក្រុមហ៊ុន ដៃគូ អិមអ៊ីភី សឹលូសិន ឯ.ក ស្ដីពី កិច្ចសហប្រតិបត្តិការលើការអប់រំបណ្ដុះបណ្ដាល និងអភិវឌ្ឍជំនាញបច្ចេកទេស ។

វិទ្យាស្ថានជាតិពហុបច្ចេកទេសកម្ពុជា និងក្រុមហ៊ុន AI FARM ROBOTICS ចុះ MoU ដើម្បីរួមគ្នាអភិវឌ្ឍជំនាញបច្ចេកវិទ្យាស្វ័យប្រវត្តិកម្ម រ៉ូបូត ដ្រូន និងបញ្ញាសិប្បនិម្មិត (AI)

ព័ត៌មាន

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានទទួលជួបសម្តែងការគួរសម និងពិភាក្សាការងារជាមួយលោកជំទាវ ហេង ស្រីស អគ្គនាយិកា នៃក្រុមហ៊ុន AI FARM ROBOTICS (AIF ROBOTICS) និងសហការី ព្រមទាំង អញ្ជើញជាសក្ខីភាពដ៏ខ្ពង់ខ្ពស់ក្នុងពិធីចុះហត្ថលេខាលើអនុស្សរណៈនៃការយោគយល់គ្នា (MoU) រវាងវិទ្យាស្ថានជាតិពហុបច្ចេកទេសកម្ពុជា (NPIC) នៃក្រសួងការងារនិងបណ្តុះបណ្តាលវិជ្ជាជីវៈ និងក្រុមហ៊ុន AI FARM ROBOTICS នារសៀលថ្ងៃទី១៤ ខែកក្កដា ឆ្នាំ២០២៦ នៅទីស្តីការក្រសួង ដែលជាការបើកទំព័រថ្មីនៃភាពជាដៃគូរវាងស្ថាប័នទាំងពីរ ដើម្បីរួមចំណែកជំរុញការអភិវឌ្ឍធនធានមនុស្សប្រកបដោយជំនាញ និងសមត្ថភាពខ្ពស់។ អនុស្សរណៈនៃការយោគយល់គ្នាដ៏មានសារៈសំខាន់នេះ មានគោលបំណងពង្រឹងភាពជាដៃគូយុទ្ធសាស្ត្រក្នុងការអភិវឌ្ឍកម្មវិធីបណ្តុះបណ្តាលលើជំនាញស្វ័យប្រវត្តិកម្ម រ៉ូបូត ដ្រូន និង AI ព្រមទាំងសិក្សាលទ្ធភាពរួមគ្នាក្នុងការបង្កើតមជ្ឈមណ្ឌលបណ្តុះបណ្តាលជំនាញ (Skill Training Hub) សម្រាប់បម្រើដល់វិស័យកសិកម្ម ឧស្សាហកម្ម និងសេវាកម្ម។ លើសពីនេះ ភាគីទាំងពីរក៏នឹងសហការលើការចុះកម្មសិក្សា ការចែករំលែកការប្រើប្រាស់មន្ទីរពិសោធន៍ និងរោងជាងអនុវត្តជាក់ស្តែង ការរៀបចំទស្សនកិច្ចសិក្សា និងការផ្លាស់ប្តូរបទពិសោធរវាងគ្រូបច្ចេកទេស អ្នកជំនាញ និងសិស្សនិស្សិតផងដែរ។…